အဆိုးနဲ့အကောင်း

အဆိုးနဲ့အကောင်း နှစ်ဖက်ရှိသောလောကတွင် အဆိုးတစ်ဖက်တည်းမှသာ
ရူကြည့်မည်ဆိုလျှင် တရားမျှတရာရောက်မည် မဟုတ်ပေ။မိမိကိုယ်ပေါ်၌ပင်
မိမိမလိုလားသော အချက်များရှိပေလိမ့်မည်။ထိုမျှသာမက အခြားသူများကလည်း
မိမိကိုရူကြည့်ကာ လူလောကကိုစိတ်နာစိတ်ပျက် နေမည်လားမသိရပေ။
အခြားသူ၏အမြင်တွင် သင်သည်လူ့ဂွစာ၊လူကပ်၊တစ်ကိုယ်ကောင်းသမားဖြစ်နေမည်
ဆိုလျှင်လည်း ပြုပြင်ရပေလိမ့်မည်။
ကျွန်ုပ်တို့သည် လူမူလောကနှင့်ဆက်ဆံရာတွင် လူ့အကြောင်းကိုလေ့လာရန်လိုပေ
သည်။ထိတွေ့ဆက်ဆံရသောသူများ၏ စိတ်နေသဘောထားများ မျှော်မှန်းချက်များ
ကိုလည်းသိအောင် ပြုရပေမည်။ လူသည်သက်ရှိသတ္တ၀ါဖြစ်၍ စိတ်နှင့်စရိုက်တို့က
ရွေ့ရှားလူပ်ရှားနေသူဖြစ်သောကြောင့် အကဲခတ်ရသည်မှာခက်ခဲမြဲဖြစ်လေသည်။
ထိုမျှသာမက လူတို့သည် လျှို့ဝှက်တတ်သောသဘောများကလည်း ရှိပေသေးသည်။
လူဆိုးကိုလူကောင်းဟူ၍ အမြင်မမှားရန်လိုပေသည်။
အချို့သောလူတို့သည် အဆိုးကိုသာမြင်လွယ်၍ ဘ၀တွင်ဆိုးသောအရာများကိုသာ
ရွေးထုတ်၍ သည်းတွားအလိုမကျဖြစ်နေတတ်ပေသည်။ လောကတွင်တွေ့မြင်သမျှ
ဘာမျှစိတ်တိုင်းမကျဘဲလည်း ရှိတတ်သည်။တစ်ခါတစ်ရံ ဒေါသဖြစ်နေသောသူသည်
ကြုံတွေ့ရသမျှကို မကျေနပ်ပဲရှိနေတတ်ပေသေးသည်။ စင်စစ်အားဖြင့်လောကတွင်
မည်သည့်အခါမျှ အားရကျေနပ်ရန် မလွယ်ကူပေ။မည်မျှကောင်းသောအရာဖြစ်စေ
ကာမူမကျေနပ်စရာရှာဖွေ၍ရပေသည်။ အကောင်းတိုင်းတွင်အဆိုးရှိတတ်ပေသည်။
သန်းခေါင်လွန်လျှင် နံနက်အလင်းသို့ပြန်၍ ရောက်ရလေသည်။တောင်ထိပ်လွန်လျှင်
တောင်အဆင်းကိုတွေ့ရပေမည်။ တစ်ခု၏အဆုံးတွင် အခြားတစ်ခု၏အစကိုဆိုက်ရောက်
ကြရတတ်ပေသည်။ထို့ကြောင့် မိမိဘ၀တွင်အဆိုးကို ကြုံတွေ့ရလျှင်လည်းစိတ်ပျက်အား
ငယ်ရန်မလိုပေ။
အဆိုးထဲ၌ရှိစဉ် အကောင်းအတွက်အားတတ်မျှော်လင့်နေရမည်ဖြစ်ပြီးအကောင်းထဲရှိစဉ်
အဆိုးကိုခံနှိင်ရန်လည်း အသင့်ပြင်ပြီးရှိရပေမည်။